Atassut: Akissarsiat assigiinngissutaat arnat utoqqalinersiaannut sunniuteqarsinnaapput

Nunatsinni arnat angutillu akissarsiaat nikingaqaat, tassa arnat akissarsiaat aamma angutit akissarsiaat 40 procentimik nikingapput. Tamanna Kalaallit Nunaanni Naatsorsueqqissaartarfiup kisitsisisaataani nutaani takuneqarsinnaavoq, tamannalu Atassutip, aammali allat, ernumanartoqartippaat.
apriilip 05-at 2010 17:00

Atassutip pingaartumik tikkuarpaa akissarsiat taama nikingatigippata, imaassinnaasoq arnat utoqqalinersiutaat angutit utoqqalinersiutaanniit ikinnerussasut.

Taamaammat Atassutip politikkikkut siulittaasuata tullia, Steen Lynge, isumaqarpoq, inuiaqatigiit qulakkeertariaqaraat suliffinni arnanit inuttaqarajuttuni utoqqalinersiassat immikkut aaqqissuunneqartariaqartut, angutit utoqqalinersiaannut naleqqussarlugit.

- Taama pisoqaraluarpat kikkut tamarmik utoqqalinersiaasa assigiinnerunissaat anguneqassagaluarpoq, arnaagunik angutaagunilluunniit, Steen Lynge allappoq.

Tamanna piviusunngussagaluarpat inuiaqatigiit aningaasaqarniarnerannut naggataagut iluaqutaassagaluarpoq.

- Arnat ikinnerit utoqqalinersiamik saniatigut ikiorsiissutinik pisartagaqalissagaluarput, Atassutip politikkikkut siulittaasuata tullia, Steen Lynge, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq