Bakterissamik nassaartoqarnerta kingorna: Atammimmi imeq qalaateqqaarneqartassaaq
Atammimmi imermik misissuisoqarneranut atatillugu imeq bakterissamik e.coli bakteriamik peqqissutsimut akornutaasinnaasumik nassaartoqarpoq.
Taamaattumik oqartussaasunit innersuussutigineqarpoq imeq atorneqartussaq qalaateqqaarneqassasoq.
Allattoq Jaaku Lyberth
juulip 13-at 2024 12:18
Atammimmi imeq imerneqartinnagu qalaateqqaartassavaat.
Naalakkersuisut taama innersuussuteqarput innersuussullu taanna ippassaq atuutilerpoq.
Atammimmi imermik misissuisoqarneranut atatillugu imeq bakterissamik e.coli bakteriamik peqqissutsimut akornutaasinnaasumik nassaartoqarpoq, taamaattumik imeq qalaateqaanngikaani peqqissutsmut akornutaasinnaavoq.
Imeq imerneqartussaq imaluunniit nerisassiulinnginnermi aamma naatitanik nerilinnginnermi kiisalu ikernik saligilinnginnermi erngup atorneqartussap qaalaateqaarneqarnissaa innersuussutigineqarpoq.
Nukissiorfiit ajornartorsiut iluarsiniarlugu suliaqarput, qanorlu pisoqarnerani najugaqartunut paasissutisseeqqikkumaartut, naalakkersuisut tusagassiuutinut nalunaaruteqarlutik taama allapput
