Ataatsimiititaliap isumaliutissiissutaata kinguartinneqarnissaa ataatsimiititaliap qinnutigigaa
Aalisarnermut inatsisissatut siunnersuutip aappassaaneerneqarnissaata kinguartinneqarnissaanut qinnuteqaat, inatsisartut siulittaasoqarfiata tigusimavaa.
![](/sites/default/files/styles/image_934x467/public/article_images/kristian_jeremiassen1.jpg?itok=QUGGDSun)
Inatsisartut siulittaasoqarfiat siunnersuutip aappassaaneerneqarnissaanut piffissamik nutaamik inaarutaasumik aalajangersaassaaq.
Allattoq Mads Lynge
Aalisarneq pillugu inatsisissatut siunnersuut aalisarnermut, piniarnermut nunalerinermullu ataatsimiititaliami suliarineqaleruttorpoq, siunnersuutillu aappassaaneerneqarnissaa pilersaarutit naapertorlugit maajip ulluisa arfineq-pingajuani pisussaagaluarpoq, tamannali maajip ulluisa qulingata tungaanut kinguartinneqarnisssaa ataatsimiititaliap inatsisartut siulittaasoqarfianut qinnutigaa.
Ataatsimiititaliap isumaliutissiissutaa inatsisartunut maajip ulluisa arfineq-aappaanni nalunaaqutaq ulloqeqqanut taamaasilluni tunniunneqassaaq.
Inatsisartut siulittaasoqarfiat siunnersuutip aappassaaneerneqarnissaanut piffissamik nutaamik inaarutaasumik aalajangersaassaaq.
Aalisarnermut, piniarnermut nunalerinermullu ataatsimiititaliap siulittaasua Kristian Jeremiassen tusagassiorfinnut taama nalunaaruteqarpoq.