Assit: Katuami juullimi tusarnaartitsisoqarneranut tusarnaariartorpassuit
Inersuaq tusarnaarianik ulikkaaqqavoq tusarnaartitsinerullu aallartinneranit naanissaanut tusarnaariat nuannisarluarlutik. Katuami ukioq manna juullimi tusarnaartitsinermut tusarnaariat erinarsoqatigiittarlutillu klassiskimik pitsaalluinnartumik nipilersorfigineqarput.
Allattoq Peter Troelsen, Simon Uldum
decembarip 03-at 2012 07:27
Aqutsisut qiimalluartut Nina Kreutzmann Jørgensen Malik Hegelund Olsenilu tusarnaartitsisut assigiinngitsut nuannerluinnartumik ataqatigiissippaat aammalu nammineerlutik, tusarnaarianit nuannarineqaqisumik, juullisiummik appisimaarlutik.
Ukioq manna juullimi tusarnaartitsineq peqataasorpassuaqarpoq, Qupannavaajaqqat, Qupannavaat, Jim Milne, Arnannguaq Gerstrøm, Ida Heinrich, NIPE Koret, NBO Kvartetten, Sofi Ek, Per Rosing, Hanne Saandvig, Linda Tuominen aamma Josef Josefsen tusarnaartitsisuupput. Nunatsinni nipilersullaqqinnerpaat ilaat, Arnannguaq Gerstrøm, tusarnaartitsinermik nuannerluinnartumik aaqqissuisuuvoq.
