Assartuussinermi kisermaassisussaatitaaneq Karl-Kristian Krusep atorunnaarsikkusuppaa
-Nunatsinni suut tamarmik akitsoriartuinnarnerat illuanut saatinneqassappat imaatigut assartuineq Aalborg kisiat aallaavigisinnaajunnaarparput, isumaqarama assartuinermi unammillerneq eqqunneqarpat nunatsinni akit atorneqartut appasinnerulernerannik kiguneqassasut takusinnaasorigakkit, Karl-Kristian Kruse allappoq.
Siumup politikkikkut oqaaseqartartua assartuussineq tamatumunngalu akigitinneqartut pillugit Naalakkersuisunut § 37 naapertorlugu apeqquteqarpoq.
Nunatta avataanit imaatigut pilersorneqarnerani kisermaassinerup allanngortinneqarnissaanik Naalakkersuisut pilersaaruteqarnersut umiarsuarmillu angallassisarnerup iluani unammilleqatigiinnerup eqqunneqarnissaanik Naalakkersuisut pilersaaruteqarnersut apeqqutigaa
-Aamma illut inissiat sanaartukkat akitsoriartuinnarnerat igerlatiinnassanngikkutsigu piaartumik iliuuseqartoqartariaqarpoq, illuliassat inissialiassat toqqaannarnerusumik nunatsinnut assartorneqalertuuppata inuit akikinnerusunik ineqalernissaannut aqqutissaasoraara pingaarutilik, Kruse apeqqutiminut taama tunngavilersuivoq.