PanAm Nuummi pisoq misigissutsitigut Angutimmarik Kreutzmannimut pikkunarnersaavoqAssi: KNR / Foto: Jonas Fievé

Assammik arsarneq: Nunanut allanut unammisartuni sunniutilik angerlalerpoq

Angutimmarik Kreutzmann ukiut 15-it Nunarput qimallugu assammik arsartartooreerluni angerlassamaalerpoq

Nunatsinni assammik arsarnermik nuannarisallit pissangallutik utaqqisussanngorpaat Angutimmarik Kreutzmannip klubbi sorleq ilannguffigissaneraa aasamut angerlarnermi kingorna. 191 centimeteriullunilu sakkortugami klubbi sunaagaluartorluunniit Nunatsinni sakkortoqqusertussaavaa.

- Piffissami sivisujaami 2. divisionimiippunga. Ilaquttat, pinngortitaq ilisarisimasallu maqaasiuartarpakka. Taamaattumik ukiut 15-it Nunarput qimassimareerlugu angerlarusulerpunga, Angutimmarik Kreutzmann KNR-mut oqarpoq.

Assammik arsartartuunermini qummut ammullu ingerlasarsimavoq.

Nunani tamalaani tusaamaneqalerpoq 2007-mi Tysklandimi VM-rtoqarnerani taamanikkut 17-iinnarnik ukioqarluni unamminerit aallarniutaasut naammassimmata VM-mi isertitsinerpaagami. Taamanili isumaqatigiissuteqartarnikkut klubbit assigiinngitsut Danmarkimi nunanilu allani unammisartuuffigisarpai, aammali ajoquseqqanini pissutigalugu uninngasariaqartarnikuulluni.

- Inunngorfinnut Maniitsumut angerlaqqaassaanga. IT-supporteritut naammassilerpunga taava takujumaarparput sulerisunngorumaarnersunga, Angutimmarik Kreutzmann oqarpoq.

Eqqaamasat pikkunarnersaat

Nunatsinni pissartanngorniunnerni nuannisaqatigiittarneq Nunatta avataaniinnermini maqaasiuartarsimavaa.

- Unamminerni akerariinnerpaasinnaasarpugut unamminerullu kingorna ikinngutigiinnerpaanngortarluta. Tassa GM-ip nalaani nuannisaqatigiinnerup maqaasinartuisa ilaat. Taamaattumik suli pisinnaatillunga GM assut misigeqqikkusuppara, Angutimmarik Kreutzmann oqarpoq.

Eqqaamasaminilu suna puigunaannerpaasoq marlunngorlugu akerusuppaa.

- Timersorneq kisiat eqqarsaatigalugu Tysklandimi VM pikkunarnersaavoq. Misigissutsit eqqarsaatigalugu PanAm Nuummi 2018-mi pisoq tamanit puigunaannersaavoq. Assorsuaq nuannerpoq illersuisut najuuttoralugit unamminerni taama pingaaruteqartigisuni unammineq, Angutimmarik Kreutzmann oqarpoq.

Klubbilu sorleq peqataaffigilissaneraa pissangalluta utaqqisariaqarparput aasap kingorna assammik arsarluni sungiusarnerup aallarteqqinnissaanut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat