Assammik arsarlutik arnat nunanut allanut unammisartuat, Panu P. Grønvold ajoqusernermi kingorna anngunniunnermut peqataasinnaajunnaarpoq.

Assammik arsarlutik arnat nunanut allanut unammisartuat, Panu P. Grønvold ajoraluartumik ajoqusernermi kingorna VM-mut anngunniunnermut peqataasinnaajunnaarpoq.

Timersoqatigiiffiit assammik arsartartut kattuffiat, TAAK tusagassiuutinut allapput

Nunarsuarmi pissartanngorniunnissamut piareersarnermi sungiusarlutik, Panu P. Grønvoldip talini napivaa, taamaasilluni unammersuarnissamut peqataasinnaajunnaarluni.

- Soorunami uggoreqaarput, Panup piginnaasai immikkuullarissut aammalu sunniuteqarsinnaanera minnerunngitsumillu unammisaqattaarnermi atorluarsinnaasaraluagut pisinnaajunnaarnata uggoralutigu, sungiusaasoq Anders Friis oqarpoq.

Assammik arsartartoq alla, Nukaaka P. Lyberth taartissamaatitut piareersimasoq peqataatinneqalersoq, arnat nunanut allanut unammisartuisa sungiusaasuat, Anders Friis nalunaaruteqarpoq.

Taanna aamma oqarpoq, Panup piginnaasai Nukaakap taarsersinnaanngikkai, kisiannili Nukaaka allanik piginnaasaqartoq unamersuarnernilu sunniuteqarluarsinnaasumik aammalu atorluarneqarsinnaasunik piginnaasaqartoq, sungiussaq oqaluni.

Nukaaka P. Lyberth piareersanerni tamani peqataasimasoq taamaasilluni iligiinnut akuulluartoq sungiusaasup oqaatigaluguttaaq.

VM-imut anngunniunnerit pissapput Nuummi Inussivimmi juunip tallimaanniit aqqarngannut ingerlanneassapput. Kalaallit Nunaata Canada juunip tallimaani unammisaavaa.