Assammik arsarluni nunatsinni pissartanngorniunnerit aallartittut
Assammik arsarnermi nunatsinni pissartanngorniunnerit Nuummi aallartereerput.
Allattoq Karsten Sommer
apriilip 04-at 2019 10:35
Unamminerillu KNR-TV-kkut ullumikkumit toqqaannartumik isiginnaarneqarsinnaapput, sapaatiuppat pissartanngorniunnissaq ilanngullugu.
Arnat K-33-meersut Aqigssiameersullu unamminerat ualeru nalunaaqutaq 15.30 isiginnaarneqarsinnaavoq.
Unamminerit allat nal. 17-imit 18.30-p tungaanut unammisussat kiisalu unnugu nal. 20.00 unammisussat KNR1-ikkut isiginnaarneqarsinnaapput.
Tallimanngorneq arfininngornerlu KNR2-kkut sapaatiuppallu KNR1-ikkut bronzenanniunnerit pissartanngorniunnerillu isiginnaarneqarsinnaapput.
Arnat sapaatiuppat pissartanngorniunnissaat nal. 14.00-imit aallakaatinneqassaaq, angutillu pissartanngorniunnissaat nal. 16.00-imit aallakaatinneqassatik.
