Politikki

Asii ukiuni sisamani ingerlaqqittussanngorpoq

IA Demokraatillu Kommuneqarfik Sermersuumi amerlanerussuteqalerput, taamaattumillu Asii Chemnitz Narupip borgmesteriuinnarnissaa Demokraatinilu taaguunneqarnerpaasup Anda Uldumip borgmesterip tulliatut siullertut inissinnissaa ilimanaateqartupilussuuvoq.
Allattoq Peter Troelsen, Simon Uldum
apriilip 02-at 2013 22:06

IA-kkunni Mille Søvndahl Pedersen Malene Lyngelu taaguunneqarnerpaani normu 2-jullutillu normu 3-iupput. Asii Chemnitz Narup kommunimi katillugit 1337-inik taagunneqarpoq.

Demokraatini ukiuni tullerni sisamani qinigaatitaasussat marlunnguinnanngorpasipput. Anda Uldumip tulliatut qinigaasussaq pissanganartortaqarpoq. Kisitsisit naatsorneqarnerat massakkutut isikkoqartillugit Justus Hansenip 107-inik taaguunneqartup Tasiilameersup Poul Hansen Nuummeersoq taasinermik ataasiinnarmik qaangerlugu qinigaarpasippoq.

Kommuneqarfik Sermersuumi Siumukkormiut qinigaalluarput, borgmesterinngortitsinissaminnulli naammattunik taaguunneqaratik. Qularineqanngitsut marluk, tassalu Martha Abelsen Per Berthelsenilu taaguunneqarnerpaallutik.

Kommunalbestyrelsimi qinigaatitat kingullersaat Atassutip pivaa, taannalu tunumut ingerlasussaarpasippoq, Thomas Christensen Tasiilameersoq Kommuneqarfik Sermersuumi kommunalbestyrelsimi partiip qinigaatitarilerlugu.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq