Asii nilammik nassarluni oqalugiarpoq

Borgmesteri nilammik nassataqarluni ataatsimeeqataajartorpoq taamaalillunilu sermip aakkiartorneranut assersuutigalugu. Nilak Asii Chemnitz Narup-ip oqalugiarnerata nalaani saavaniittoq Nuup eqqaani qaqitaavoq Danmarkimullu nassiunneqarsimalluni. Issittumit inuulluaqqussut borgmestererpassuarnit ussatigineqaqaaq, sermersooq.gl-imi oqaluttuarineqarpoq.

CO2-mik aniatitsinerup 80%-ia nunarsuup illoqarfissuinit pivoq illoqarfissuillu silap allanngoriartornerata iliuuseqarfiginissaanut taamaammat immikkut pisussaaffeqarlutik.

Kalaallit Nunaat nunarujussuusoq amerlanngitsuinnarnillu inoqarluni pisuussuterpassuaqartoq Asii Chemnitz Narup-ip pingaarnertut oqariartuutigaa. Silap allanngoriartornerata periarfissiinera ajoqusiineralu oqalugiarnermini taakkartorpaa.

Toqunartut Europami USA-milu illoqarfissuit maangaannaq aniatitaat kalaallit nerisannaavini, soorlu puisini arfernilu, unerartut ilaatigut oqaluttuarai.

Aammali erngup nukissiorfiit imerujussuarlu tamaani pissarsiarineqarsinnaasut oqaluttuarai. Pisuussutit tamakkua nunarsuarmiut iluaqutigisinnaagaat piujuaannartitsinermillu qulakkeerinnissinnaanerat aamma oqaluttuaralugu.

Borgmesterit 80-it tusagassiortorpassuillu ataatsimiinnermik malinnaasut oqalugiaammit uisaallatsinneqartut sermersooq.gl-imi oqaluttuarineqarpoq.