Asii naammassineqartunit nalilersuiffigineqarusuppoq

Inuit amerlavallaat oqaluinnarpallaarput qanorlu iliuuseqaqqalaarpallaarlutik. Nunat allamiunik danskinillu avoqqaarinninnerit aamma kalaallinik kalaalivittut isigineqanngitsunik avoqqaarinninnerit oqallinnermi imaqarneruleriartuinnarpoq, borgmesteri isumaqarpoq
Assi © : Kommuneqarfik Sermersooq
februaarip 04-at 2017 14:54

Taama oqariartuuteqarluni isumaliutersuummi allappoq Asii Chemnitz Narup aviisimi sermitsiami tallimanngornermi februaarip ulluisa pingajuanni saqqummersumi, Inuit Ataqatigiit nuna tamakkerlugu Ilulissani ataatsimeersuarneranut atatillugu.

 

AAMMA ATUARUK Tunngaviusumik inatsisissap tunngavia suli inissinngitsoq

Kommuneqarfik Sermersuumi borgmesterip Kalaallit Nunaani aqquserngit paarlaffianni oqaluusererusutai taama nipaqarput.

- Naammassisanik pilersitsissaagut, siunissamut tikkuussisunik innuttaasunillu periarfissaqartitsilersunik nunatta siunissaqarluarneranik upperinnilernissaannut tunngaviliisunik, Asii Chemnitz Narup sermitsiami isumaliutersuutimini taama aperivoq imalu nangilluni, aperivoq imaluunniit arriitsumik unikkiartuinnassaagut innuttaasut imminnut ilaquttaminnullu siunissaminnik upperinnikkunnaarsimasut nunatsinnit qimarratsiinnavillugit ?

Taassuma erseqqissaassutigaa, nassuerutigalugulu namminersulivinnissamut oqallinneq ukiuni kingullerni mamaatsoornartoqartaqimmat akueriuminaatsunik.

- Oqalugiarujussuartoqarsinnaavormi naveersisoqaqattaartoqarsinnaalunilu. Isumaqarpungali uagut politikkerit nalilerneqaatissarput uaniittariaqartoq Nunatta aningaasaqarnikkut inuit atugaasigut suleriutitsigullu namminiilivinnissamut qanilliartuaartitsinersugut ungasilliartuaartitsinersugulluunniit, Asii Chemnitz Narup Kommuneqarfik Sermersuumi borgmesteri aviisimi Sermitsiami isumaliutersuutimini taama allappoq, Inuit Ataqatigiit Ilulissani nuna tamakkerlugu ataatsimeersuarnissaat sioqqutilaarlugu.

 

 

AAMMA ATUARUK Namminersulernissamut sipaarniarujussuartoqassaaq