Arsaannermi GM kommunet tamarmik peqataaffigissavaatAssi: Lars Jørgen Petersen

Arsaannermi GM-mi inissat imatut agguataarpaat

Angutit inersimasut arsaannermi kommunekkaartumik pissartanngorniunnerat sapaatip akunnera tulleq pissaaq. Taakku Ilulissani GM-rtoqarnissaanut anngunniunnertut atorneqassapput

Kalaallit arsaattartut kattuffiat KAK angutinut inersimasunut unammersuariaatsimik allaanerusumik sanavoq taannalu inuit katersuuttarnerannut malittarisassanut naapertuuppoq.

Nunap immikkoortukkaartumik pissartanngorniutsitsinissat taamaatillugit kommunekkaartumik pissartanngorniuttoqassaaq. Tamakku kingorna iligiit arfineq pingasut GM-ip Ilulissani naggataarneqarnissaanut peqataasussanngussapput aaqqissuisut Nagdlúnguak anngutereertuullutik.

AAMMA ATUARUK Aajuna KAKp GM-mut pilersaarutaa

- Pilersaarutaaqqaaraluarpoq nunap immikkoortukkaartumik pissartanngorniuttoqassasoq immikkoortunillu tamanit sisamat annguttassasut. Maanna nutaamik agguataarivugut kommunet tamarmik peqataatitaqarnissaannut periarfissiisumik, KAKp allattoqarfianiit Minik Jeremiassen oqarpoq.

Tamanut inissat sisamat

Avannaata Kommuneani pissartanngorniunnermi ataatsit anngutissapput kommunemi tassani Nagdlúnguak Ilulissaneersoq peqataasussanngoreermat. Kommune Qeqertalik marlunnik annguttoqassaaq, Qeqqata Kommunia ataaseq, Kommuneqarfik Sermersooq marluk kiisalu Kommune Kujalleq ataaseq.

- Nunap immikkoortuini unammisoqarsimassasuuppat agguataarineq atorparput. Tassa imaappoq nunap immikkoortua avannarleq sisamanik kujallerlu sisamani annguttoqassapput, Minik Jeremiassen nassuiaavoq.

KAK-miit erseqqissaatigineqarpoq aatsaat GM-rtoqarsinnaasoq inuit katersorsinnaanerat killilersorniarlugu nalunaarutaagallartoq augustip aallaqqaataa atorunnaassappat.

Inuusuttuaqqat GM-rnissaraluat julimi pisussaagaluartoq ukiormanna taamaatiinnarneqarpoq. Arnat inersimasut Nuummi GM-ssapput angutit GM-qarnerisa kinguninngua.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat