Canada: Ataatsimiititaliarsuup Quebecimi tusarniaanini naammassigai
Naggueqatigiit indianerit sinnerlugit oqaaseqartartoq, Ellen Gabriel tusarniaannermi tallimanngormat saqqummiussaqarpoq.
Montrealip eqqaaneersoq, indiaanereq Ellen Gabriel tusarniaannermi oqaluttuarpoq, eqqartuussiviit politiinit nakkutigineqartut pillugit susoqarneq ajormat misissuiffigineqartariaqartut.
Politiit immikkut misissuiffigineqartariaqartut taanna isumaqarpoq.
AAMMA ATUARUK Periarfeerunneqarsimasut pillugit nalunaarusiamut misissuinerit piariilersut
- Quebecimi arnat 35-t politiinit kinguaassiutitigut atornerlunneqarsimallutik maalaaruteqaraluarput - politiillu atornerluisimasut pineqaatissinneqarsimanngillat, tamannali ilisimavarput, Ellen Gabriel tusarniaanermi taama oqaaseqartoq Nutaarsiassaqartitsiviup APTN TV-p saqqummiuppaa.
Taamaattumik naqisimaneqartut eqqartuussiveqarfinnit tamatigut ikiorserneqartanngillat, pingaartumik arnat nunat inoqqaavineersut.
Ellen Gabrielip aamma oqaatigaa, Naagalaaffiit Peqatigiit nunap inoqqaavisa pisinnaatitaaffii pillugit eqqartuussiveqarfiup malittariaqaraluarai.
Tusarniaanermittaaq apersorneqartut oqaatigivaat, nunasiaataasimanerup kinguneranik Canadami naggueqatigiit Inuit, Indianerit Métisillu parnaarussaasarut amerlanerusut.
AAMMA ATUARUK Arnat periarfeerunneqartut pillugit ataatsimiititaliarsuup sulinera sivitsorneqartoq
AAMMA ATUARUK Ataatsimiititaliarsuup sulinera naammaginngikkaat
