Canada: Ataatsimiititaliarsuup sulinera naammaginngikkaat

Taamaattoqarnera ataatsimiititaliarsuaq pillugu perulluliortoqarlunilu naammagittaalliortoqartoq.

Misissuinissaq siunertaralugu ataatsimiititaliarsuaq ilaatigut Nunavimmi Nunavumilu tusarniaasimanngilaq. Tamannalu pissutigalugu nunap inoqqaavisa arnartaat tammarsimasut toqutasimasullu pillugit ataatsimiititaliarsuaq naammagineerukkaluttuinnarpoq.

Ataatsimiititaliarsuup sulinini ukioq ataaseq matuma siorna aallartippaa, kingornalu tusarniaanerit ikittuinnaat ingerlanneqarsimapput, arlallit kinguartiinnarneqarsimapput sulilu inerniliisoqarani.

Ilaqutaasut ataatsimiititaliarsuarmut uppernarsaasuusimasut pineqarnerlussimanerminnik kingunerlutitsisut naammagittaalliorsimapput.

Ataatsimiititaliarsuup pingaarnertut innersuussutai tassaasimapput aningaasat amerlanerusut piffissaqarnerorusunnerlu.

Canadalli naalakkersuisuisa 260 millionit sinneqartut suliamut aningaasaliissutigereersimagamikkit ilaqqikkusuppallaanngilaat.

Ataatsimiititaliarsuup sulinera naammagineqanngingaarmat, AFN Canadami høvdingit kattuffiat sapaatip akunnera una ukiumoortumik ataatsimeersuarami taasissutigisimallugu ataatsimiititaliarsuup siulittaasua Marion Buller tunuartariaqartoq suleriaasaalu allanngortinneqartariaqartoq.

Siulittaasoq Marion Buller tunuarniarani ataatsimiinnermi oqarpoq.

Taamaattumik maanna Inuit, indianerit metisillu arnartaasa toqutaasimasut tammarsimasullu misissuiviginissaat allatut ingerlanneqartariaqalissaaq.