Arnat inuusuttut coronamik ajornartorsiorfiup nalaani takornariartitsivimmik pilersitsipput
Marluullutik takornariartitsivimmik Arctic Escapes-imik ateqartunik aallartitsipput, taakkua Maniitsumi eqqaanilu pisuttuartitsinermik siullermik aaqqissussiipput.
Corona pissutigalugu takornariat nunatsinnut tikittartut ikinneruleraluartut arnat inuusuttut marluk takornartitsivimmik pilersitsinerminni isumalluarput.
Visit Greenlandip suliniutaa Kalaallit Nunaanni takornariarnissamut pilerisaarutaa Nunarput Nuann arnanut inusuttunnut isumassarsisitsivoq.
- Visit Greenlandiminngaanit aaqqissorneqartoq nunatsinni takornariarnissammut pilerissaarut Nunarput Nuann, aamma Arctic Cirle Bussiness suleqatigalugu, Maniitsumi eqqaanilu takornariarnissamut pilerisaammik filmeeqqamik suliaqarnermi Arctic Escapes suleqataavoq tassanilu takornartitsivik isumaqarpoq Maniitsoq takusassarpassuarnik ulikkaartoq Sofie Skifte oqarpoq
30-nik ukiulik Sofie Skifte issittumi takornarianik angallassisartutut ilinniagaqartoq taama oqarpoq.
Takornariat avataaneersut angallattalernissaat pilersaarutaavoq aallaqaasiutigaluguli Maniitsumi Maniitsullu qeqertaani pisuttuartitsinermik aaqqissuussipput maannamut marloriarlutik pisuttuartitsipput iganertalimmik
- Takornaritsiviup nutaap aaqqissugaanik marloriarluni pisuttuartitsisoqarpoq isikkivigissumilu igasoqarpoq nerisoqarlunilu, takornartsitsivimmik pilersitsisup aappa Malitha Olsen Larsen oqarpoq.
Takornariartitsiviup aallartisarneqarnerani piffissami qaninnermi angallataatillinnik isumaqatiginiartoqasssaaq, takornariat Maniitsup eqqaani kangerlunnut alianaatsunut angallanneqarsinnaaniassammata, soorlu qajartortitsinerit, aalisartitsinerit, arfernik timmissallu inaannik takornariartitsinerit aaqqissorneqarsinnaaniassammata, Malitha Olsen Larsen oqarpoq.
Takornartitsivimmik Arktisk Escapes -imik pilersitsinermut atatillugu tusagassiuutinut nalunaarummi oqaatigineqarpoq, sapiissusermik piumassuseqarnermillu peqarlutik pilersitsisimallutik.
-Sapiissuseqarpugut ! Aap illoqarfipput Maniitsoq ukiorpaalunngortuni naluneqanngilaq unittooqqasutut ittoq, taava uagut inuusuttuugaluarluta soorlu Malitha 19-niinnarnik ukioqarpoq, kisianni nunatsinni piumassuseqartunik ulikkaarpoq, minnerunngitsumik Maniitsoq takutikkusullugu aamma
Sofie Skifte taama oqarpoq.
Atuartut atualerpata atuarfimmi angajulliit takornariaritsivimmik aallartitsinertik pillugu saqqummiussiniarput isumassarsitinniarlugit.
- Kikkuuvugut sulerivugut siunissamik qanoq sulisinnaavugut, immaqa inuusuttut taakkua suleqatigalugit.,
Takornariartitsivimmik Arctic Escapesimik aallartitseqataasup aappaa Sofie Skifte taama oqarpoq.
