Arnat assammik arsartartut VM-iliarnissaamut aningaasassaaruttut

Amerikap nunavittaani pissartanngorniunnermi Cuba-mi ingerlanneqartumi, kalaallit assammik arsarlutik nammisartui famminngunniunnissamut peqataanngitsoorput, unamminermi tassani VM-imut angunniunissamut periarfissaqarluarput. 

VM-imut anngunniunissamut Cuba peqataasinnaanani nalunaarpoq, unammiffiusussarlu taanna Kalaallit Nunaata unammisartuinut periarfissiigaluarpoq. 

Angunniunnissamut unaminnerit Kasakhstanimi ingerlanneqarnissaat kalaallit unamisartuinut ajornartorsiortitsivoq, Kasakhstanimut angalanissamut kalaallit unammisartui akissaqannginnamik, nunanut allanut unammisartut sungiusaasuat Jakob Andreassen oqarpoq.

Aamma atuaruk Kalaallit Nunaat Uruguayimut ajorsarpoq

" Angalanissap akisuallaanera pissutigalugu anngunniunnissamut peqataaniarnata oqarpugut" Jakob Andreassen oqarpoq. 

 Anngunniunnermi Puerto Ricomiippugut aamma mesterskabeqarnermi Cuba-miilluta - immikkullu anngunniunnissamut Kasakhstaniliartariaqassalluta, 

tamannalu hundredetusinde koruuninik akeqassaaq aallassaguttalu akisoorujussuussalluni, Jakob Andreassen oqarpoq. 

Cubap Kalaallit Nunaatalu anngunniunnermut peqataasinnaannginnerat pissutigalugu,  Mexico anngunniunnermut peqataassaaq, pissartanngorniutivinnermi nunat allat marluk anngunniuteqatigisussanngorlugit. 

Nunat allat anngunniunnermut peqataasussat tassaapput Australien aamma Congo, aviisi Politiken taama allaaserisaqarpoq.