Arnat assammik arsartartut Puerto Ricomut ajugaasut
Kalaallit arnat assammik arsartartut amerikap avannaamiuisa Caribiamiullu unammineranni Puerto Ricomut unamminissanit marlunnit siullermi ippassaq unnukkut unammipput.
Kalaallit arnartaat 26-23-mik Puerto Ricomut ajugaapput.
Nunat marluk pissartanngorniutivinnissamut qulakkeerutaasumik tamarmik marloriarlutik ajugaareeramik unamminerat kinguneqarpallaartussanngilaq.
Kalaallit Puerto Ricormiullu unnugu pissanngortanngorniutivinnermi unammeqqissapput.
AAMMA ATUARUK Kalaallit arnartaasa assammik arsartui VM-imut anngunniutilersut
Unamminermi ajugaasut Spaniami arnat assammik arsartartut decembarimi nunarsuarmi pissartanngorniunnissaannut peqataanissartik qulakkiissavaat.
Unammineq KNR1-ikkut nalunaaqutaq 21.55 malinnaaffigisinnaavat.
Ullut sisamat uniffeqaratik unammisut
Kalaallit arnaartaasa assammik arsarluni nunanut allanut unammisartui amerikap avannaamiunu Caribiamiullu VM-imut anngunniunneranni ullut tulleriit sisamat uniffeqaratik unammisussaapput, tamannalu piareersimaffigigitsik, Akutaaneq Kreutzmann oqarpoq.
- Isumaqarpugut aamma uagut piareersimaffigilluarnikuullutigut taanna ullut taakku sisamat unamminerit. Aamma takusinnaavarput qasulaarput, kisianni Puerto Ricokkut aamma taamaapput, unamminerit amerlasuujupput aamma qasupput. Taamaammat uani unamminermi takutittorujussuussavaat kikkut taktikkimia aammalu timikkut nukittunikkut immaqaluunniit qasujaassusikkut takutissagaat kikkut ajugaajumaarnersut.