Arnat arsaatissamaaleqaat
Aktuelle Nachrichten MosregionArnat arsaattartut 151-t Nuummi Illorsuarmi Timersortarfimmi katersuutilerput illup iluani arsaalluni pissartanngorniunneq arfininngornermi aallartissammat. Unammersuarnernik aaqqissuisut B-67 aamma Aqissiaq Maniitsumeersoq ammaanermi unammissapput.
Nuna tamakkerlugu sungiusaasoq Bent Petersen ikiortaalu John Thorsen unamminerni malinnaassapput nunanut allanut unammisartutut toqqarallakkat ilassagunaramikkit. Kalaallit arnat arsaattartut aasamut qeqertarmiut unammiuaarneranni Isle of Wightimi peqataaniarput.
- Aasaq nunatsinni unammersuarnerni takunngisatta takunissaannut periarfissaqassaagut. Imaassinnaavoq toqqarallakkat maanna 23-usut ilaneqartut, taama KNRimut oqarpoq Bent Petersen. Ilanngullugu oqaatigaa qeqertarmiut unammiuaarnerannut peqataasussat maajimi toqqarneqarumaartut.
Nunali tamakkerlugu sungiusaasut kisimik arsaattut takutitaannik nalilersuissanngillat. Peqataasut namminneq toqqartussaavaat Ukiup iligiivi.
Aammattaaq toqqarneqassapput Arsallammak, Sukataallammak, Arsalerillammak aamma isertitsinerpaaq. Aamma arsartoq ataaseq kajumissaaserneqassaaq aammalu dommeriulluarnerpaamik toqqaasoqassalluni.
Toqqaanerit pissapput sapaammi unnukkut naggataarnersiornermi.
NÛKp arnartai siorna pissartanngorput sølvinnallutillu. Ukiormanna peqataasussat allat tassaapput: N-85 Narsameersoq, Nagtoralik Paamiuniik, B-67 Nuummiik, Aqissiaq Maniitsumiik, T-41 Aasianniik, Nagdlúnguak aamma I-69 Ilulissaniik, UB-68 Uummannamiik, UB-83 Upernavimmiik kiisalu ATA Tasiilamiik.
