Arnat amerlanerusut kommunimi politikkimik soqutiginnilernissaat neriuutigigaa
Kommuninut qinigassanngortittut 26 procentii arnaapput. Amerlagisassaanngikkaluartulli arnat sunneeqataalluarsinnaajuarsimapput. Arnartaqartarpugummi politikkikkut sulinermikkut inuaqatigiinnut siuariartortitseqataasunik, politikkimik ukiorpassuarni sulialik Aqqaluk Lynge taama isumaqarpoq.
- Soorlu Inatsisartunut qinersisoqartillugu kisitsisit nuannernerusaraluarput aammami tassuunakkut nuna tamakkerlugu ilisarineqalertartut arnat sakkortuut saqqummertarsimammata, Aqqaluk Lynge taama isumaqarpoq.
Arnallu kommunimut qinigassanngortittut taama ikinnerutiginerat tupaallaatigivaa.
Arnalli nunatsinni politikkikkut ukiut ingerlanerini sunniuteqaleraluttuinnarsimanerat, aammalu arnanik politikkikkut sunniuteqarluartunik siornatigut peqarsimanera maluginiarsimanerarpaa.
AAMMA ATUARUK Arnat sassartut ikinnerupput
- Tamarmik partiit sinnerlugit saqqummersimasut, oqaluttuarisaaneq kingulleq ukiut 30-t eqqaassagaanni, tamatigut annertuumik sunniuteqarsimasutut oqaatigisariaqarpoq, Aqqaluk Lynge taama oqarpoq, ilaatigullu arnani siullersaalluni Landsrådimi ilaadsortaasoq Elisabeth Johansen, Sisimiuni borgmesteriusimasoq Emilie Lennert kiisalu Henriette Rasmussen, inatsisartuni naalakkersuisunilu arlaleriarluni ilaasodtaasimasoq taallugit.
Arnalli amerlanerusunut kommunimi politikkimik soqutiginnilernissaat Aqqaluk Lyngep neriuutigaa.
- Neriuppunga kommuninut qinigassanngortittut siunissami amerliartuaassasut, soorlu aamma Inatsisartunut qinigassanngortittut akornanni aamma taamaaliartuaartoq.
