Ilulissat: Arnaq utoqqaq kannguttaatsuliorfigineqartoq
Arnaq utoqqaq 70-it missaani ukiulik angummit kivilersimasumit Ilulissani sapaammi kannguttaatsuliorfigineqarsimasoq politiit ilisimatitsipput.
Allattoq Kathrine Kruse
septembarip 04-at 2018 12:10
Arnaq utoqqaq angummit kivileqqasumit Alanngunnguit nalaanni sapaammi unnukkut qulingiluap missaani kannguttaatsuliorfigineqarsimavoq.
Ilulissani Politiit nassuiaanerat naapertorlugu arnap tamaani angut kivileqqalluni aggersaangaluartoq naapissimavaa.
Arnarli utoqqaq qimaasimavoq annertunerusumillu angutip qanoq isikkoqarsimaneranut nassuiaasinnaasimanani, angutilli pineqartup kalaallisut, nerinnittatut aamma 20-t imaluunniit 30-t tungaannut ukiulittut nassuiarsinnaasimavaa.
Taamaattumik Ilulissani Politiit innuttaasunit angummut kannguttaatsuliortumut kinaassusersinnissinnaanerannut oqaluttuarsinnaasunit tusarfigisaqarusupput.
Ilulissani Politiit oqarasuaammut 70 14 22-mut attavigineqarsinnaapput.
