Arnaq Saudi-Arabiamiu toqutaanissani aarleralugu Thailandimit aallarumanngitsoq
Arnaq Saudi-Arabiameersoq, Thailandip illoqarfiisa pingaarnersaata Bangkokip timmisartoqarfissuaniittoq, Thailandimi oqartussanit pinngitsaalisaassummik Kuwaitimut utertinneqarnavianngitsoq, Thailandimi oqartussat nalunaarutigaat.
Bangkokimi timmisartoqarfissuaq
Allattoq Ritzau
januaarip 07-at 2019 14:36
Nutserisoq Mads Lynge
Arnap pineqartup nammineq oqarnera naapertorlugu ilaquttaminit toqunniarneqarpoq, tamannalu pillugu Kuwaitimut uterniarnani.
Ilaqutai maanna Kuwaitimiipput, ilaquttamilu Kuwaitimut tikeraarneranni qimaalluni Australialiartilluni Thailandip illoqarfiisa pingaarnersaannut Bangkokimut nunnittussaalluni.
18-inik ukiulik Rahaf Mohammed al-Qunun Kuwaitimut utertinneqannginnissani piumasaralugu Bangkokimi akunnittarfiit ilaanni imminut mattuppoq.
Australiamut qimaasutut akuerineqarnissani pillugu Australiamut qimaanermini Thailandimi oqartussanit tigusarineqarpoq.
/ritzau/
