Arnaq Nuup eqqaani apummit sisoorfigitittoq

Arnaq Nuup eqqaani aputip sisoorneranit eqqortippoq, minutsinilu 40-ni assaareerluni aniguilluni.

Qamuteralaatillit peqatigiiffiat Qamutit Facebookkimi quppernermini taama allappoq.

Arnap pisuttuarfiani aput sisoorpoq, arnarlu apummit mattussaalluni.

Mianersoqqusisut

Nuup eqqaani aput sisooratarsinnaammat, peqatigiiffiup inuit mianersoqqissaarnissaannik kaammattorpai.

- Pisukkuit imaluunniit qamuteralannik ingerlaguit, taava atortut aputip sisoornerani atugassat nassartuaannakkit. Pingaarnertut nassatassat tassaapput beacon (nalunaarsuisartoq), nivaataq toortaallu amitsukujooq. Lavinerygsækerlu (nammattagaq pullattartumik akisaasalik aaqq.) inuunermik annaasisinnaavoq, peqatigiiffik allappoq. Politiit qatserisartullu suliami peqataanatik KNR-imut paasissutissiissutigaat.