Arferup puisillu neqaat puagissinartuusut
Tamanna Grønlandskmedicinsk Selskabip Nunatsinni peqqinnerup ilisimatusarfigineqarnera pillugu qaammatit pingasukkuutaarlugit kisitsisinik saqqummersittagaani atuarneqarsinnaavoq.
Puisip arferullu neqaannik akulikitsumik nerisaqarneq naatitanik akulikitsumik nerisaqarnerup sunniutaatulli puaat sulilluarsinnaanerulernerinut attuumassuteqartoq ilisimatuunit paasineqarpoq.
Inuit 1104-t misissuiffigineqarsimapput: Kalaallit Nunatsinni najugallit, tassalu Uummannami Nuummilu, taavalu kalaallit Danmarkimi najugallit.
Issittumi c-vitaminik pissarsiffigineqartartut pingaarnersaat
Arferup puisillu orsui anti-oxidantinik akoqartupilussuupput, aammalu issittumi c-vitaminik pissarsiffigineqartartut pingaarnerisaralugit.
Anti-oxidantit puaat ipiusaasartaasa asiujartornissaannut puaallu sulisinnaanerisa annikillisarnerinut, soorlu anertikkartarnermut ulluinnarnilu anersaartorniarnermut killilersuutaasinnaasunut allanut illersuutaapput.