Arctic Winter Games-eqarnissaani ilisarnaatissaq ilisaritinneqarpoq.

AWG-ip ilisarnaatissaa ilusilersuisartumit, Karsten Skjoldhøj-imit suliarineqarpoq. Ilisarnaatissamik siunnersuutinik aajalangiisuupput, eqqumiitsuliortoq Kunngi, Frederik Kristensen aamma ilusilersuisartoq, Jette Brandt. Ilisarnaatip assitaraa, timersortartut pingasut tasiorlutik ataatsimoornermik takutitsisut. Timersortartut pingasut tunuliaqutigaat Nuup ilisarnaataa, Sermitsiaq qilallu arsarnerasaartoq.
Allattoq Apollo Jeremiassen
januaarip 26-at 2014 16:08

Kommuneqarfik Sermersuup borgmesteriata, Asii Chemnitz Narupip, AWG-ip Nuummi ingerlanneqarnissaani aaqqissuussisut siulittaasuata, ilisarnaat nuannaralugu oqaatigaa. AWG-mik aaqqissuussinermi ilaasortaapput Ilinnuiartitaanermut, Ilagiinnut aamma Naligiissitaanermut Naalakkersuisoq, Nick Nielsen, GA-p siulittaasua Henrik Leth aamma Asii Chemnitz Narup.

Taassuma aamma nuannaarutigaa, AWG 2016-imi Nunatsinni aappassaaneersumik ingerlanneqarnissaa.

- Kummuneqarfik Sermersooq, Namminersorlutik Oqartussat aamma suliffeqarfiit peqatigalugit, Nuummi AWG-qarnissaa tulluusimaarutigaara aamma inuusuttunik timersortartunik tikeraartoqarnissarput erinigalugu, taamaalilluta timersuutinik kulturikkullu taktitsinissatsinnik periarfissinneqarluta, Asii Chemnitz Narup oqarpoq imalu nangilluni.

- AWG-p Nunatsinniinerani timersortartut tikeraat aamma isiginnaartussat nuannisarluarnissaannik pitsaasumillu takutitsinissatsinnut periarfissinneqarpugut, tamannalu nuannaarutissaavoq, Asii Chemnitz Narup oqarpoq.

AWG-p ilisinnaatissaa ippassaq unnukkut kulturisiornerup nalaanni ilisaritsinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq