Arctic Umiaq Linep illoqarfiit sorliit tikittassanerlugit nammineq aalajangissavaa
Sarfaq Ittup illoqarfiit sorliit tikittassanerai piginnittup Arctic Umiaq Linep nammineq aalajangissavaa.
Allattoq Jonas Fievé
marsip 22-at 2016 07:29
Nutserisoq Kerté Jeremiassen
Naalakkersuisut tassunga akuliussanngillat.
Ineqarnermut, sanaartornermut attaveqatigiinnermullu naalakkersuisoq, Knud Kristiansen Anders Olsenip paragraf 37 naapertorlugu apeqquteqaataanut akissummini taama allappoq.
Sarfaq Ittup Nanortalimmukartarnissaa Naalakkersuisunit isumaliutigineqarsimanersoq, Anders Olsenip apeqqutigaa.
Knud Kristiansenilli akivoq, Artic Umiaq Line suliffeqarfiusoq niuernermik tunngaveqarluni ingerlanneqartoq, taamaammallu niuernermik tunngavissaqartutut naliliiffigineqartunut tikittartoq.
Knud Kristiansenip ilanngullugu erseqqissaatigaa, Arctic Umiaq Line amigartooruteqarnissamut qularnaveeqqusiinikkut tapiiffigineqartaraluartoq, Naalakkersuisunut tikittarnissamut naalakkiinissaamut periarfissiinngitsoq.
