Arctic Circle Racemi peqataarusuttut nunait 14-ineersut nalunaarput
Arctic Circle Racemi ullut pingasut ingerlaneranni 160 kilometerit sisorarlutik ujakkaartut ingerlavigissassaat, sisoraatinik ujakkaariaasitoqaq atorlugu unammineq, nunarsuatsinni ujakkaarluni unamminerit sakkortunersaattut isigineqarpoq.
Arctic Circle Race, 1998-imi siullermik Sisimiut eqqaanni ingerlanneqartoq, peqataasunut sakkortuumik piumaffiginartuuvoq. Timikkut qasujaassutsikkullu kisiannili aamma tanikkut imminut piumaffiginartuulluni. 160 kilometerit ingerlavigineranni peqataasut inuilaarsuarmi toqqini unnuisassapput, isumannaallisaanerlu pissutigalugu qimussinit ingiallorneqarlutik.
Manna tikillugu 2013-imi peqataaniarlutik nalunaartut ukunanit nunaneersuupput; Ungarn, Frankrig, Letland, Polen, Finland, Tjekkia, Sverige, Østrig, Rusland, USA, Tuluit Nunaat, Danmark kiisalu Tyskland. Ukioq manna kingumut Arctic Circle Racemi peqataasut amerlanersaat Kalaallit Nunaanneersuupput. Manna tikillugu Nunatsinneersut 68-it paqataaniarlutik nalunaareerput, aatsaalli marsip 5-ianni kingusinnerpaamik nalunaartoqarsinnaammat amerlanerujussuit pataasinnaapput.
Ujakkaarluni unammineq qanorlu peqataasinnaaneq pillugit uani atuartoqarsinnaavoq: www.acr.gl