Assi: Ivik Kristensen/KNR

Arctic Circle Greenland Forum: Nunatta oqaluttuarisaanerani pingaarutilik

Politikkikkut oqallittarfik Arctic Circle Kalaallit Nunaata aaqqissugaanik sapaatip-akunnerata tulliani marlunngornermit sisamanngornerup tungaanut ataatsimiilerpat Nunatta oqaluttuarisaanerani pingaarutilimmik pisoqassaaq. Inuussutissarsiornermut, Suliffeqarnermut, Niuernermut Nunanullu allanut Naalakkersuisoq Vittus Qujakitsoq:

- Naalakkersuisut nunat tamalaat Kalaallit Nunaannut tikilluaqqunissaannut qilanaarput, nunat aatsaat taama amerlatigisut peqataaffigisaannik ataatsimeersuartoqarnissaanut tikilluaqqussallugit, Vittus Qujaukitsoq oqarpoq.

Inuit 300-nit amerlanerusut ataatsimeersuarnermi peqataanissamut nalunaarsimasut, Nunanut Allanut Pisortaqarfiup ilisimatitsissutigaa.

Sapaatip-akunnerata tulliani ataatsimeersuarnissaq ataatsimeersuarnernut allanut allaanerussutigaa Issittoq tamakkerlugu immikkut sammineqassammat.

Peqataasussallu taamaammat nunanit tamalaaneersuupput, Issittormiunit, Amerika Avannalermiit, Europamiit Kangianiillu, Nunanut Allanut Pisortaqarfiup pisortaa Kai Holst Andersen oqarpoq.

Aamma atuaruk Arctic Circle Greenland Forum maajimi ingerlanneqassaaq

Ineriartortitsineq aningaasaliiffissallu

- Issittumi periarfissat unammilligassallu eqqumaffigineqarnerulernissaat ataatsimeersuarnermi eqqartorneqarumaartut naatsorsuutigaarput, ineriartortitsinissamut aningaasaliiffissallu immikkut sammineqassallutik, Vittus Qujaukitsoq oqarpoq.

Kalaallit Nunaata soqutigineqarnerulernissaa aamma siunertaasoq Nunanut Allanut Pisortaqarfiup pisortaata oqaluttuaraa, nunallu assigiinngitsorpassuit peqataatinneqarnerisigut inuit nunani allani nuimasut amerlanerusut Kalaallit Nunaannut eqqummaarinnerulersinnaasut, nunallu allat aamma soqutiginnilersinnaassallugit.

Suliffeqarfiutlillit Issittumi, pingaartumillu Kalaallit Nunaanni aningaasaliinissamut kajumissuseqalernissaat ataatsimeersuartitsisoqarneratigut aamma neriuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat