Arctic Circle Greenland Forum maajimi ingerlanneqassaaq
Issittoq pillugu oqalliffiusartoq, Nuummi piorsarsimassutsikkut illorsuarmi, Katuami maajip ulluini 17-aniit 19-anut pissaaq.
Oqalligisigisassat issittumi pissutsit nalitsinni atuuttut sammineqassapput. Ilaatigut takornariaqarneq, umiarsuarnik assartuineq, silaannakkut angallanneq nunallu pisuussutai oqallisigineqassallutik.
Peqatigalugu Arctic Circlelissaaq, issittumi nunap inoqqaavisa nukittunerulernissaat, peqqinnerulerneq, inuunikkut atugarissaarnerulernissaat, ilisimatusarneq ineriartortitseqqinnerlu ukkatarineqassapput.
Arctic Circle Greenland Forumip, Islandip avataani pingajussaa taamatut sammisaqarfiuvoq.
Isumassarsiaq taanna islandimiut, tamat oqartussaaqataanerisa nunani issittuni pissutsit oqallisigineqartarnissaannik ammasumik pilersitaraat.
Ukiut tamaasa ataatsimeersuarnermi peqataasut suli amerligaluttuinnarput, Reykjavikimilu oktobarip qaammataani ataatsimeersuaqqittoqassaaq. Kingullermi peqataasut 2000-t nunanit assigiinngitsunit 50-neersut peqataapput.
