Aqqusinermi arlalinnik ajutoortoqarnera pissutigalugu Qinngorpumut aqqut matuneqartoq
Nalunaaqutaq 14:47 nutarterneqarpoq: Aqqusineq ammarneqaqqippoq. Biilit marluk bussillu aporaannermut ilaapput. Inuit sisamat nakorsiartarfimmukaanneqarput, taakkuli tamarmik ajoquserujussuarsimanngitsut, politiit oqaatigaat. Nuup Bussii nalaatsinerlussimasunut ikiugasuarnissamik neqerooruteqarput.
Nuummi Nuussuup Qinngorpullu akornanni aqqusinermi ajutoortoqarnerani biilillu aporaannerannut apingaatsiarnera pissutaavoq.
Arlalinnik ajoqusertoqartoq, biilillu arlallit ajutoornermi ilaasut, Kalaallit Nunaanni Politiini pigaartut pisortaata, Malik Olesenip KNR-imut oqaatigaa.
- Paasitinneqarnera malillugu peruluttoqanngilaq, taanna oqarpoq.
Ambulancet, qatserisartut kranillu sumiiffimmi najuupput, Borgmester Anniitap Aqquserngalu matuneqarluni.
Mittarfimmut aqqut ammavoq, taamaammat Nuummiit Qinngorpumukassaguit mittarfik sanioqqullugu ingerlassaatit.
Bus normu 1 illoqarfiup qeqqata Qinngorpullu akornanni ingerlasoq maannakkut angalanngilaq.
