Aqqaluk Lynge Tromsømi Arctic Frontiers Conferencemi oqalugiartussat pingaarnerit ilagaat

Inuit Issittormiut Siunnersuisoqatigiiffiat issittumi issittumullu tunngassuteqartut pillugit suleqatigiinnermi toqqartumik suleqataasut pingaaruteqarluinnartuuvoq ilaatigut avatangiisit piujuartitsinermillu tunngaveqartumik ineriartortitsinermut atatillugu periusissiornerni.

Aqqaluk Lynge naggueqatigiit Inuit pisinnaatitaaffii aamma nunarsuarmi aaqqissuussinerup nutaap nalaani pissusissamisoortumik inissisimanerat pillugu saqqumilaarnerpaatut oqaaseqartarpoq Issittumi kiatsikkiartortumi silap pissusaata allanngoriartornerata sunniuteqaleruttornerata nalaani.

Suut tamarmik sammineqarput, ICC-miilli isigalugu taamaattoqanngilaq.

- Isumalluutitta killeqanngiusattorsuarmik piumasaqaatitaqanganngitsumik atorneqalernissaat ammaassinnaanngilarput. Soqutigisaqartuusut tamarmik akuutinneqartariaqarput. Piffissami matumani isumalluutinik piiaanissamik aalajangernerit annertuut aqqusaaleruttorpavut sioqqutsisumik innuttaasut tamakkua ajunnginnerpaamik ajornerpaamilluunniit qanoq kingunerisinnaasai pillugit ilisimateqqaarnagit, taamatut Aqqaluk Lynge oqarpoq ilanngullugulu oqalugiarnermini ICC-mit iliuuserineqartut ilai aamma samminiarpai Issittumi Inuit politikikkut ineriartornerannut tunngasut ilaatigut nunamik piginnittuunermut imaluunniit tamakkiisumik oqartussaassuseqarnermut aamma innuttaasut pisinnaatitaaffii suliffissuaqarnikkullu ineriartortitsinermut atatillugu minnerpaamik piumasaqaataasinnaanut pillugit. Aqqaluk Lynge nunani siuuttut oqalugiaateqareernerisa kinguninngua oqalugiartussat siullersaraat.