Qasigiannguani sapaatip akunnerani matumani corona tuniluutingaatsiarpoqAssi: Malik Brøns / KNR

Anorersuup Qasigiannguani coronamut misissuineq kinguartippaa

Anorersuaq qaangiuppat covid-19-mut misissuisoqaqqissasoq nunatta nakorsaaneqarfiata nalunaarutigaa.

 

Anorersuup Qasigiannguit eqqorpaa, tassami tamanna pillugu Qasigiannguani katersortarfimmi Covid-19-mut misissuisoqarnissaralua unitsinneqarallarpoq.

Taama nakorsaaneqarfik nittartakkamini nalunaaruteqarpoq.

Anorersuaq sakkortusimaqaaq, oqartussaniillu inassutigineqarpoq inuit angerlarsimaannaqqullugit.

Sisamanngormat nunatta nakorsaanera nalunaarpoq, suleqatigiinnik misissuiartortussanik Qasigianngualiartitsissamaarluni.

AAMMA ATUARUK Corona pillugu ullumikkut kisitsisit: Tunillatsissimasut nutaat 39-t

 

Taamatullu aalajangertoqarpoq, sapaatip akunnerata uuma ingerlanerani Qasigiannguani coronamik tunillanneqartut 50-t sinneqalermata. Taakkunanngalu amerlanerit meeqqat atuarfianni Juunarsip Atuarfianni atuartuupput.

Tamannalu tunngavigalugu Naalakkersuisut killilersuutinik Qasigiannguani atuilersitsipput.

Nunatta nakorsaanearfia ilisimatitsivortaaq, sila atoruminarseriarpat Covid-19-mut misissuineq aallarteqqinneqassasoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl