Corona pillugu ullumikkut kisitsisit: Tunillatsissimasut nutaat 39-t
Nunatsinni coronamik tunillatsissimasut nutaat 39-upput.
Sisamat Ilulissani 35-llu Nuummi nutaat paasineqarput.
Nakorsaaneqarfiup kisitsisaatai taama takutitsipput.
Qasigiannguani tunillatsissimasut nutaat 53-it pingasunngornermi paasineqarput, Qasigiannguaniillu misissuigassat allat Nuummut suli tikissimanngitsut nakorsaaneqarfiup ullumi allappaa.
AAMMA ATUARUK Qasigiannguani tunillatsittut amerlanerat pissutigalugu Naalakkersuisut killilersuinernik atuutilersitsipput
Peqqinnissaqarfiup misissugasat Nuummut tallimanngornerup ingerlanerani tikiunnissaat naatsorsuutigaa.
Nakorsaaneqarfik kisitsisinik nutaanik ataasinngornermi paasissutisseeqqissaaq.
Ullumikkut tunillatsissimasut kisitsisaat ilanngullugit nakorsaaneqarfik naapertorlugu 321-upput.
Tunillatsissimasut kommunikkaarlugit agguataarneri imaapput:
- Avannaata Kommunia: 149-t
- Kommune Qeqertalik: 57-it
- Qeqqata Kommunia: Marluk
- Kommuneqarfik Sermersooq: 113-it
- Kommune Kujalleq: Tunillatsissimasoqanngilaq
