Anorersuaq Mærskimut akisuvoq
Umiarsuaq Maersk Oilip uuliamik qalluivia puttasoq, Gryphon, Tuluit Nunaata imartaaniitilluni, februaarimi anorersuarmit ima ajoqusertigaaq, kalunnersuarnit quliusunit sisamat kittorarlutik, umiarsuaq aseruatitingaatsiarpoq, uuliamillu qalluinermut atortut immap naqqaniittut aamma ajoqusingaatsiarlutik.
Gryphon 2012-ip aallartilaarnerata tungaanut atorneqarsinnaassanngilaq.
Maersk Oillillu Tuluit Nunaata imartaani uuliap qallugaata pingajorarterutaa Gryphonip isumagisarmagu, 4 milliardit koruunit Maersk Oilip 2012-ip tungaanut annaasaqaatigissagai maanna ernummatigineqalerpoq.
Uulialu nappartat 14.500-it ullormut nalinginnaasumik qaqinneqartarput, tassa 8 millionit koruunit ullormut kaaviiaartinneqartarlutik.
Anorersuarnerata kinguneranik uuliakoortoqanngitsoq Maersk Oilip erseqqissaatigaa, aningaasallu annaaneqartussat uuliasiortitseqatigiiffimmut ajoqusiinissaat ilimaginngilaat. Maersk Oilip Kalaallit Nunaanni ukiualunnguit qaangiuppata misileraalluni qillereqqilernissaa naatsorsuutigineqarpoq.