Anoraasuarsuartut sakkortutigisumik anoraasuartassasoq: Nuummi anorersuartussaasoq

Nuummi unnugu natsimaneq anorersuannguuttarsinnaassaaq, anoraasuarsuartullu sakkortutigisumik anoraaasuartarsinnaassalluni. Ajoqusertoqarnissaa annikinnerpaaffissamiitinniarlugu, innuttaasut avatangiisiminni qanitani atortunik teqqaasinnaasunik isumannaarsuinissaannik Kommuneqarfik Sermersuumit kaammattorneqarput.

Allattoq Mads Lynge

septembarip 05-at 2024 14:48

Nuummi najugaqaruit, avatangiisinni qanitanni atortunik teqqaasinnaasunik isumannaarsuinissannik kaammattorneqarputit.

Kommuneqarfik Sermersooq Facebookimi quppernermini taama allaaserisaqarpoq.

Anoorasuarsuartut sakkortutigisumik anoraasuasarnissaa DMI-mit ilimasaarutigineqarmat taama kammaattuuteqartoqarpoq. DMI-p nittartagaani tamanna aamma atuarneqarsinnaavoq.

Aamma atuarukDMI-miit anorersuarnissaanik ilimasaarutit Facebookikkoortinneqartalissapput

Anorersuup Nuummi sisamanngornermi unnukkut nalunaaqutaq arfineq-marlluk missaanni anngunnissaa ilimasaarutigineqarpoq. Kujasimmik sekundimut 20-30 meterillu akornanni sakkortutigisumik anoraasuasarnissaa ilimasaarutigineqarpoq, anoraasuasuartullu sakkortutigisumik, tassa sekundimut 33-t aamma 35 meterillu akornanni sakkortutigisumik anoraasuarnissaa aamma ilimasaarutigineqarluni.

Unnugu nalunaaquttap aqqarnup missaani anorlerpallaarunnaarnissaa DMI-mit ilimasaarutigineqarpoq.

Anoraa unnuap ingerlanerani atorsaruumiartulissaaq, kujasimmik suffarissisanngikkuni natsimaninnguuttarsinnaassalluni. DMI-p Kalaallit Nunaannut silamik ilimasaarutaani tamanna atuarneqarsinnaavoq.

Nutaarsiassami kukkunermik nassaarsimaguit uunga allaffigineqarsinnaavugut.