Annaassiniarneq pillugu nersornaatigineq

Aasianni upalungaarsimanissamut pisortap tulliata David Løvstrømip, sapiitsuliorluni siorna oktobarip aallaqqaataani annaassiniarnini maanna nersornaatisissutigaa, Carnegies Belønningsfondimit nersornaatisilluni.
Assi © : Qaasuitsup Kommuniata Qatserisartui
Allattoq Mads Lynge
januaarip 12-at 2016 17:00

David Løvstrømip sapiitsuliorsimasutut nersornaaserneqarnissaa, upalungaarsimanissamut pisortap Bjarne Gregersenip innersuussutigaa, David Løvstrømip isumassarseriallaqqissutut aalajangeriataallaqqissutullu suligasuarnermini inuk Aasiaat eqqaanni sikukkut nakkarsimasoq David Løvstrømillu inuunini nammineq navianartorsiortillugu oktobarip aallaqqaataani sikumut avalassaarpoq, inullu pineqartoq nunamut isumannaatsumik pissullugu annaallugu.

- Sapiitsuliorpoq, David Løvstrømillu nersornaaserneqarnissaanut innersuussinitta Carnegies Belønningsfondip malinniarmagu nuannaarutigaarput, Qaasuitsup Kommuniani upalungaarsimanissamut pisortaq Bjarne Gregersen KNR-imut oqarpoq.

Carnegies Belønningsfondimit nersornaasiineq 5000 koruuninik aningaasartaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq