Annaassiniaqataasut nersualaarneqartut
Ilaasartaat 26-nik issimasoqarluni Ilulissani sapaammi unnuakkut nalunaaquttap ataatsip missaani kivivoq.
Aamma atuaruk Ilulissani ilaasartaat kivivoq - ajoqusertoqanngilaq
Ilulissani takornariartitsiviit ilaata angallataa "Inuk II"-mik taaguutilik takornarianik frankrigimeersunik italiameersunillu ilaasoqarluni unnuakkut nalunaaquttap unnuap-qeqqata missaani tassanngaannaq immalersoq, politiit tusagassiuutinut nalunaarummi allapput.
- Aallaqqaammut maliusorigaluarpaat, pisorli ilungersunarnerusoq issimasunut erngiinnaq paasinarsivoq, Qaasuitsumi politiit iliuuseqartarneranni aqutsisuat Sebastian Bech allappoq.
Unnuap-qeqqanngilaataa ajunaalernermi kalerrisaarut raadiukkut aallakaatinneqarmat angallammik attartortittakkamik piginnittoq Jens Ole Thomassen siullersaalluni angallammut immattumut apuuppoq.
Aamma atuaruk Takornariartaatip kivinera ilungersunarluinnartuusoq
Jens Ole Thomassen inuttaallu marluk pilertorlutik annaassiniarluarnerannik politiinit nersualaarneqarput.
Issimasut angallammut attartortakkamut "Clane"-mik taaguutilimmut minutsit 15-it qaangiuteriiginnartut qimagussortinneqareerput ingerlaannarlu umiarsuarmut takornariartaassuarmukaanneqarlutik.
Kivineranut suna pissutaanersoq imaani ajutoortoqarsimatillugu paasiniaasartunit, Den Maritime Havarikommissionimit, suli paasiniarneqarpoq.
