Assi: KNR / Nina Vivi Møller Andersen

Anna Wangenheim nakorsaanerlu: Juullip ukiortaallu nalaani angalanissat eqqarsaatigilluarsigit

Naalakkersuisunit juullimut ukiortaamullu angalasoqarnissaanut atatillugu nutaanik killilersuisoqalinngilaq. Naalakkersuisulli juullikkunni angalasoqarnissaanut inuit eqqarsaatiginninnissaat kissaatigaat.

- Naak piffissami pingaartumik ilaquttatsinnik ikinngutitsinnillu takunninnissamik pisariaqartitsigaluarluta aamma ernumanartoqangaatsiarpoq. Taamaammat aamma assigiinngitsunik maluginiaanissarput pingaaruteqarpoq.

Peqqissutsimut naalakkersuisoq, Anna Wangenheim (D) oqarpoq.

Peqqissutsimut naalakkersuisoq, Anna Wangenheim nakorsaanerlu Henrik L. Hansen sapaatip akunnerata siuliani juullimut ukiortaamullu angalasoqarnissaa pillugu tusagassiortunik katersortitsipput.

Matumanilu tusagassiortunik katersortitsisoqarumaarnera neriorsuutigaat. Anna Wangenheimip nutaanik killilersuisoqaratarsinnaanera aarlerisaarutigaa, tassanilu killilersuinerit suut eqqunneqarsinnaassanersut oqaatiginagu.

Maannalu katersortitseqqipput, taamaakkaluartorli nutaanik killilersuisoqanngilaq.

- Danmarkimiit tikeraartoqartut aamma angerlarsimaannarsinnaanersut misissorparput. Tamannali inatsisitigut pisinnaanngilaq, taamaammat tikeraartorisap immikkut ineeqqamiitiinnarneqarsinnaanissaa innersuussutigiinnarsinnaavarput, Anna Wangenheim oqarpoq.

Nakorsaanerup, Henrik L. Hansenip oqarnera naapertorlugu nunatsinnut juullimut tikittut amerlasoorujussuusussaapput.

- Nunatsinnut juullikkunni ukiortaamilu tikittut 3000-it missaanniittussaapput, taakku amerlapput. Taakku ikinnerpaartaat juullinnginnerani nunatsinnut tikittussaapput, amerlanerpaarpaallu tassaallutik nunatsinni najugaqartut juullisioriartorlutik angalasussat ukiortaaqqammerneranilu tikeqqittussat, Henrik L. Hasnen oqarpoq.

- Taamaammat piffissanik marlunnik unammillissuteqassaagut.

Juullinnginnerani misissorteqqinnissamut periarfissaq kingulleq

- Juullikkunni amerlasuut katersuuttarput. Nunatsinnut tikittunut malittarisassat atuuttut atuutsiinnassavagut. Tassa imaappoq nunatsinnut aallannginnermi misissortittoqassaaq tikinnermiillu ullut tallimat qaangiunneranni misissorteqqittoqarluni.

- Taamaanngippat juullertinnagu angerlarsimaannarnissaq qaangiunnavianngilaq. Decembarip ulluisa 19-iata kingorna tikittut nalliuttuni angerlarsimaannartussaassapput.

Juullip kingorna misissorteqqissinnaaneq decembarip ulluisa 27-anni aallarteqqissaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat