Aningaasat kisinneqareerput
Aningaasat allaffimmut containeriusumut Iluliamik atilimmut aammalu meeqqanut ambassadørinik ilinniartitsinermut atorneqassapput.
- Iluliaq aamma meeqqanullu ambassadørit meeqqanik kinguaassiuutitigut atornerluisarnerup akuerineqarsinnaannginneranik aamma unitsinneqartariaqarneranik oqariartuutip siaruarterneranut ikiuutissapput. Aningaasat, Kalaallit Nunaata tunissutigisai, meeqqanut ambassadørinut aamma containerimut Iluliamut atorneqarnerisigut, aningaasat nunamut tamarmiusumut utertissavagut. Taama sulinissatta aallartissinnaaneranut tapersersuisunut tamassinnut qujanaq, Meeqqat Inuunerissut siulittaasuat, Line Frederiksen tusagassiuutinut nalunaarummi oqarpoq.
Suliniut 'Kuseriarnerup siaruarneratut' 2012-p ingerlanerani aallartissaaq, 2015-illu tungaanut illoqarfiit minnerpaamik qulit tikissavai, taakkunanilu meeqqanut ambassadørit ilinniartissallugit meeqqanillu kinguaassiuutitigut atornerluisarneq qitiutillugu aaqqissuussisassalluni.
