Tuniniaanermi najoqqutaavoq juullimut assiliaaqqat atuartut ikinngutiminnut ilaquttaminnullu tunisarpaat. Soorlu puussiaq juullimut assiliaaqqanik imalik 25 koruuneqarpoq. 7 koruunit 50 oorilu danskit atuaqatigiit nakkaatitsiviinut nakkartinneqartarput, taamaallallu 3 koruunit 60 oorillu Peqatigiiffimmut Kalaallit Meerartaannut tuttarlutik. Atuagagdliutini tamanna allaaserineqarpoq.
Peqatigiiffik Kalaallit Meerartaat sinnerlugu D. B. Marketing juullimut assiliaaqqanik ukiuni sisamani tuniniaasarsimammat, peqatigiiffimmit qujaniutigineqarpoq, peqatigiiffimmi allattuuneq, Tina Frausing, unnersiorpoq:
- Suleqatigiinnermut peqataanngikkutta aningaasanik pissarsinavianngilagut, Tina Frausing Atuagagdliutini issuarneqarpoq.
Peqatigiiffik Illoqqortoormiuni ornittakkamik ilaatigut ingerlatsivoq, aamma Tasiilami meeqqanik sumiginnarneqarsimasunik tapersersuisarluni. Peqatigiiffik D. B. Marketingip suleqateqatiginerani Peqatigiiffik Kalaallit Meerartaat 95.000 koruuninik siorna pissarsivoq.