Demokraatit Aningaasanut inatsit aningaasaqarnermut ajoqusiivoq

Naalakkersuisoqatigiit Siumut, IA aamma Partii Naleraq aningaasanut inatsit taperserpaat,  inatsisartut ataatsimiinneranni partiit pingasut oqaaseqartartuuisa aningaasanut inatsit iluarisimaarlugu oqaluttarfimmi oqaaseqarnerminni ersersippaat.

Aningaasanut inatsimmut isornartorsiunerit annerusumik illuatungiliuttut partiianit Demokraatinit  oqallinnermi saqqummmiunneqarput.

Nivi Olsen Demokraatineersup oqaaseqartartutut saqqummiussinermini, aningaasaqarnermut inatsit ataqatigiinnginnerarlugu oqarpoq, Kalaallit Nunaat namminersulivinnissaanik Naalakkersuisoqatigiinnit oqarput - aamma naalakkersuisoqatigiit isumaqatigiissutaani tamanna allassimammat, taamallu oqariarlutik aningaasat inatsimmi annerusumik sinneqartooruteqarnisamik iliuuseqartoqarani, naak Kalaallit Nunaanni  aningaasatigut ingerlalluartoqaraluartoq.

Nivi Olsen isumaqarpoq, aningaasanut inatsisip danskit naalagaaffiata ataatsimoortumik tapiissutaannik pinngitsuuisinnaanerulersitsisoq,  aningaasanullu inatsit Kalaallit Nunaata aningaasaqarneranut ajoqusiisoq, aningaasanullu inatsit ataqatigiissappat aalisarnermut akitsuutinit nutaanik pinngitsuuisinnassanngimmat. 

Aningaasaqarnermut inatsismmi akitsuutit nutaat inuussutissarsiutinik ingerlatsinermut ajoqusiissaneranik oqarneq, Anigaasaqarnermut Naalakkersuisup Aqqaluaq B. Egedep ilumuunnginnerarpaa.

Taassuma Kalaallit Nunaani aningaasiornerup qaffasinnera nuannaruutigaa, nunattalu akiitsui ukiuni kingullerni ikilliartorneri nuannaarutigalugit.

AAMMA ATUARUK Aningaasanut inatsit akitsuutinit nutaanit 85 millionit koruuninut missingersuuteqartoq