Aningaasamut inatsisissaq akuerineqarpoq
Aningaasanut inatsit aappaagunut atuuttussaq pillugu Inatsisartuni akunnerit tallimat tikingajallugit oqallitoqarpoq, tassa ippassaq unnukkut arfineq marluk qaangerlugu tanneq marlunnngortorlu, Inuit Ataaqatigiit Demokraatit Kattusseqatigiillu aningaasanut inatsit taassissutigineqarmat akuersipput, illuatungiliuttut Siumut Atassullu itigartitsisut aviisi sermitsiaq. ag taamatut allaaserisaqarpoq.
-Inuiaqatigiit anigaasaataat paarilluarsimavagut, aningaasanut inatsisit ukiut kingullerni sisamani suliarieqarsimasut tamanna takutippaat, Inuit Ataqatigiit politikikkut oqaaseqartuat Aqqaluaq B. Egde oqarpoq.
Aningaasanut inatsisissaq aappaagumut atuuttussaq Siumut siulittaasuanit Aleqa Hammond-imit kakkaginartinngilaa.
-Akissarsiakinnerusunut nunaqarfimmiunut avinngarusimasunilu najugaqartunut kommuuninut inuussutissarsiuteqartunutllu iluaqusiinngilaq, Aleqa Hammond aningaasanut inatsit taasissutigineqareermat paktsilluni taamatut oqarpoq .
-Ukiuni kingullerni sisamani aningaasarsiorneq ingerlallualersimasoq uggornarpoq Siumut Atassullu akisussaaqaajumanngimmata, Aningaasaqarnermut Naalakkersuisoq Maliina Abelsen aningaasanut inatsit taasissutigineqareermat oqarpoq.
-Siumut Atassullu qinersineq sioqqullugu qinersisartunut akisussaassusermik tigusiniannginnerat paasisinnaanngilara, Maliina Abelsen oqarpoq.
Taamaakkaluartoq Maliina Abelsen-ip nuannaarutigaa Naalakkersuisoqatigiit ukiuni kingullerni sisamani aningaasanut inatsit ingerlatsinermut oqimaaqatigiissumik inerneqartoq akuerineqarsinnaammat, aviisi Sermitsiaq ag taamatut allaaserisaqarpoq.
