Aningaasaateqarfik nutaaq

Kommuneqarfik Sermersuumi kulturpulje, tassa aningaasat kulturikkut suliniutilinnut agguaassassat, aningaasaateqarfinngorpoq. Ateqalerpoq Aningaasaateqarfik Sermeq – kulturi nutaamik eqqarsalersitsisarmat.

Allattoq Mads Pedersen

februaarip 22-at 2012 06:37

Aningaasaateqarfik Sermiup siunnersoqatigiivi februaarip arfineq pingauanni ataatsimeereerlutik, kulturikkut suliniuteqarlutik aningaasanik qinnuteqartut 15-iusut katillugit 970.268 koruuninik aningaasaliiffigigaat, taama Arnakkuluk Jo Kleist, attaveqatigiinnermi suleqataasoq, tusagassiutinut nalunaaruteqarpoq.

Sermersuumi aggustip 30-ani 2011-mi, kommunalbestyrelsip aaliangiuppaat kulturpulje aningaasaateqarfinngussasoq. 2012-imi januaarip aallaqqaataanilu aningaasaateqarfinngorpoq.

Suliniutilinnut 15-iusunut 7.000 koruuniniit 100.000 koruunit nalinganut agguaasoqarpoq.
Kommuneqarfik Sermersuup Piorsarsimassutsikkut aningaasaateqarfiata januaarip aallaqqaataani Aningaasaateqarfik Serminngormalli siullermeerluni agguaavoq.

Siullermik aningaasat agguaanneqartartut allanngorasinnaasarput, massakkulli iluamik aningaasaateqarfiliortoqareermat aningaasat aaliangersimasunik amerlassusillik agguaanneqarsinnaanngorput.

Uani takuneqarsinnaapput kikkut aningaasaliiffigineqarsimanersut:

Vivaldi 2012, erinarsoqatigiissuit tusarnaatitsinerat, Nunani Avannarlerni Erinarsoqatigiissuit Tusarnaartitsisartut Kirsten Olesenimit, 50.000 DKK

Gaypride 2012, aaqqissuussineq, Nuka Bisgaard, 100.000 koruunit

Small Time Giants, tusarnaartitsineq, Jacob Søvndahl Skovaa, 29.210 koruunit

Qasapip ullui kingulliit – isiginnaartitsissut tusarnaartitsinertalik,Inuit Theatre aamma Katuaq, 90.000 koruunit

Outervision Dance Festival 2012,Katuaq, 60.000 koruunit

Nunanit Avannarlerneersut, NAPA,103.400 koruunit

Assilialiat aamma oqaaseqatigiiliat, Camilla Nielsen aamma Frederik Kristensen, 103.153 koruunit

Nipilersortartut Naapeqatigiinnerat 2012, Orkesterskolen Arnannguaq J.P. Gerstrømimit, 100.000 koruunit

Nipilersugassiarsuarnit festivaali, Hanne Sandvig,50.000 koruunit

Assinik saqqummersitsineq – Katuami Canadamut ulloritinneqartut,Karitas Production Pipaluk K. Jørgensenimit, 30.000 koruunit

Kulusuk Midnight sun festival 2012,Tinka Mikaelsen, 75.000 koruunit

Ikinngutigiit arnat – ikinngutigiit arnat assigiinngitsut pillugit piviusulersaarut, Pia aamma Ulrik Bang, 46.000 koruunit

Katuami elektroniskiusumik festivaali,Aqqalu Lu Berthelsen,7.000 koruunit

Eqqumiitsuliat isumallit – meeqqanut inuusuttuaqqanullu eqqumiitsuliornermik pilersaarut,Red Barnet, 26.750 koruunit

           Ilaqutariinnut meerartalinnut Nuummi Ilaqutariinnik Sullissivimmut
           attuumassuteqartunut eqqumiitsuliorneq pillugu suliniut, Red Barnet, 49.755
           koruunit

Aningaasaateqarfik nutaaq

Aamma atuaruk