Aningaasaateqarfik 26,5 millionit koruuninik agguaassamaarpoq
Nunat Avannarliit kulturikkut piorsaanermut tapersersuinissamullu aningaasaateqarfiat ukioq manna 26,5 millionit koruuninik aningaasaliissamaarpoq, aningaasallu taakku ilaasa Nunatsinni kulturikkut suliniutinut aningaasaliissutaasinnaalluarput.
Allattoq Knud Reimer
januaarip 04-at 2012 08:22
Qinnuteqarnissamut ulloq killigititaq siulleq tassaavoq februaarip aallaqqaataa. Aningaasaateqarfik ukiup ingerlanerani katillugit sisamariarluni aningaasanik agguaassamaarpoq, tamatigullu millionip affaa angullugu qinnuteqartoqarsinnaassalluni.
Nordisk Kulturfond siorna aningaasanik katillugit 23 millionit koruunit agguaavoq. Nunatsinni aningaasannattut siorna pingasuusimapput tamarmillu katillugit 300.000 koruuninnassimasut ukuupput:
NAPA-p meeqqanik eqqumiitsuliortitsinerat "Norden Rundt"-mik qulequtserneqarsimasoq, itsarnisarsiuutut Narsami ilinniarfik Nunatta Katersugaasiviannit aaqqissuunneqarsimasoq, kiisalu qitinnermik festivali Nuummi Katuami ingerlanneqartoq "Outervision"-imik qulequtserneqarsimasoq.
