Angutivik nersornaasiuttakkamut innersuunneqartoq

Nunatta Isiginnaartitsisarfiata isiginnaarusiaa nuannarineqarluartoq "Angutivik" - angutitavut pillugit isiginnaagassiaq - Københavnimi nersornaasiuttakkamut CPH Culture-mut piorsarsimassutsip ataanit "Sær-prisen" tassa kalaallisuunngorlugu "Immikkut malunnaatilimmut" innersuunneqarpoq.
Assi © : Nunatta Isiginnaartitsisarfia
Allattoq Karsten Sommer
juulip 22-at 2018 11:10
Nutserisoq Ane-Marie Petersen

SÆR-PRISEN  “isiginnaagassiornikkut immikkut iliuuseqarluni malunnaatilittut 2017-2018-imi" Angutivik tassa innersuunneqarpoq.

Isiginnaarusiaq "Angutivik" nunatsinni siorna illoqarfinni arlalinni takutinneqarpoq, isiginnaartitsisartullu upernaaq manna Danmarkimut aamma takutitsiartorput. Tassani Aalborgimi, Århusimi, Odensimi Københavnimilu isiginnaartitsimmata isissutissat tamakkerneqarsimapput.

Savalimmiuni aamma isiginnaartitsisoqarpoq.

Københavnimi CHP Stage festivalip ingerlanneqarnerani isiginnaartitsisoqarmat kalaallisut oqaatsivut atorneqarput, danskisut tuluttullu allannilerlugit.

Angutivik "Immikkut malunnaatilittut" toqqarneqassanersoq nersornaasititsisartut nittartagaanni augustip aallaqqaataani suaarutigineqassaaq.

Angutivik Nunatta Isiginnaartitsisarfiata Aahusimi isiginnaartitsisarfik Teater Freeze Productions suleqatigalugu suliarineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq