Angutit inuusunnerit imernerpaapput
Inuiatigiit aanngajaarniutinik atuinerat pillugit misissuinermit tamanna takutinneqarpoq.
Imigassaq Pillugu Isumasioqatigiinneq peqqissutsimik Naalakkersuisuiumit Agathe Fontainimit aamma Danmarkimi Kalaallit Nunaannilu atorfillit immikkullu ilisimasallinniit peqataaffigineqarpoq.
Inuiqatigiit aanngajaarniutinik atuinerat pillugit misissuititsineq Kalaallit Nunaanni peqqissutsimik misissuivimmit suliarineqarpoq, misissuinermik suliarinnittoq Christina Larsen ima oqarpoq:
- Misissuitsisimanermit takusinnaasarput tassa imaapppoq: imigassamik ajornartorsiutillit tassaapput angutit inuusuttut suliffeqanngitsut taakkuuppullu imerajuttunik angajoqqaaqarlutik peroriartornikut.
Misissuisimanerup akissutissaqartinngilaa sooq angutit inuusunnerusut suliffissaaleqisut inuiaqatigiit ilaannit imernerunersut. Christina Larsenip nassuiarpaa kikkut inuiaqatigiinni imernerunersut:
- Imigassamik ikiaroornartumillu atornerluisutut naatsoorsuunneqartut tassaapput immiaaqqanik tallimat sinnerlugit imertartut, taakkualu alakoorniarlutik imertartuupput. Inuiaqatigiinni inuusunnerit akornanni tamanna atugaaneruvoq, angutit arnanit amerlanerit ajoqutigisinnaasaminnik imigassamik atornerluisuupput.
Siusinaarluni pinaveersaartitsineq pisariaqartoq Christina Larsenip naqissuserpaa qulakkeerlugulu oqaatigalugu angutit inuusunnerit amerlanerit imigassamik atornerluffiusumi alliartorsimasut. Taamaammat misissuisimanerup inerneri angutinut inuusunnernut siusinaarluni pinaveersaartitsinermi atorneqarsinnaasut. Misissuisimaneq sumut atorneqarsinnaasoq oqarpoq:
- Inuiaat peqqissusiannik suliniuteqarluni pilersaarummut ilanngunneqarsinnaavoq, soorlu imigassamik pinaveersaartitsinermik suliniuteqarnermi, Christina Larsen oqarpoq.
Angutit inuusunnerusut imigassamik atuisuunerisa annertunerunerat misissuiffigissallugu pilerinarsinnaasoq Christina Larsen isumaqarpoq.
Peqqissaaartumik iterngalu tikillugu paasissutissiisumik misissuisoqarsinnaavoq, angutit inuusuttut imernerunerannut pissutaasut akissutissarsineqarluni.
Peqqissutsimik qullersaqarfiup sundhedsstyrlsip innersuussutigaa, imigassamik aalakoornartumik imernermi annerpaamik najoqqagassat immiaaqqat tallimat nalingisut angissusilinnik imernissaq, tamannalu nunatsinni angutit inuusuttut malinngilaat.
