"Angutit iloqqasut" aallakaatitassiatut torrallataanerpaatut innersuunneqarpoq
Europami Radiukkut aallaakaatitassiat torrallataanerpaat toqqarneqartarnerat tuuguuteqartinneqarpoq, Prix Europa. Henriette Rasmussenip radiukkut piviusulersaarutaa taaguuteqarpoq "Angutit iloqqasut", aasap ingerlanerani KNR-imi aallakaatinneqartoq.
Aallakaatitami angutit arlaqartut Nuummi aqqusinermi ingerlaarujoornerini ernummatigisartagaat inuunerminni ajornartorsiutit aqqusaartagaat arnallu pillugit ajornartiorsiutigisartagaat aallaavigineqarput.
Angutit aallakaatitami peqataasut ulluinnarni inuunerat qanimut oqaloqatigineqarnerannut tunngavigineqarpoq, arnarlu eqqartugaat qimaguppat aatsaat ammarnerusinnaanerat pineqarluni.
Henriette Rasmussenip radiukkut aallakaatitassiaa, Europami nunat assigiinngitsut 40-t aallakaatitassiaasa akornanni torrallataanerpaatut innersuunneqartunut ilannguppoq.
Henriette Rasmussen radiukkut aallaakaatitassiorneq pillugu ukioq ataaseq affarlu ilinniaqqippoq, ilinniaqqinnerit Islandimi Kalaallit Nunaanni Danmarkimilu ingerlanneqarlutik. Ilinniaqqinnerit Islandimi filmiliornermik ilinniarfimmit Islands Filmskolemit Ilisimatusarfimmillu aaqqissorneqarlutik.