Angutip 60-nik ukiullip Narsap eqqaani ujaarineqarnera unitsinneqarpoq

Sinerissami ujaasinerit marluk sapaatip akunnerani uani ingerlanneqartut aappaa aamma untsinneqarpoq. Uani pineqarpoq angut 60-nik ukiulik Narsaminngaaneersoq.
Assi © : VFK
Allattoq Merete Lindstrøm
juulip 07-at 2018 13:45
Nutserisoq Jaaku Lyberth

Pavia Godtfredsen 60-nik ukiulik marlunngornermi Narsamit aallartup ujaarineqarnera tallimanngornermi sisamat missaanni unitsinneqarpoq, Issittumi Sakkutoqaarfik isumasiorneqareersoq, politiini pigaartoq Johan Westen KNR-imut arfininngornermi taama ilisimatitsivoq. 

AAMMA ATUARUK 26-nik ukiullip ujaarineqarnera taamatinneqarpoq

 Issittumi sakkutooqarfiup helikopteriutaata, Seahawkip kangerluk tamakkerlugu pingasoriarlugu ujaassiffigaa, taassumalu saniatigut sinerissami nakkutilliissut umiarsuaq Hvidbjørnen aammalu umiatsiaaqqat arlaqartut nammineq piumassutsiminnik ujaaseqataasut ujaasereernerisa kingorna unitsinneqarpoq, Johan Westen oqarpoq.  

Ujaarineqartut angallataanit nassaartoqarpat takussutaasinnaasunilluunniit arlaannik nassaartoqarpat taakkua politinut attaveqaqquneqarput.  Politiit oqarasuaataata normoraat 70 14 48 uterpara 70 14 48.   

 

AAMMA ATUARUK Inunnik ujaasinerit marluk aallarteruttorput

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq