Anguteq Ittuk angallassiunnaarallarpoq

Inuttaq ataaseq napparsimasimavoq nakorsallu naliliinera naapertorlugu oquk napparsimalissutaasimasinnaasorineqarpoq. Innuttat allat aamma misissorneqassapput.

Anguteq Ittuk oqoqartoq paasineqarmat uani sapaatip akunnerani angalajunnaartinneqarpoq taarsiulluguli Johanna Kristina attartorlugu pajuttuitinneqarluni.

- Anguteq Ittuk qanoq sivisutigisumik uninngassanersoq suli oqaatigisinnaanngilarput, Royal Arctic Linep paasissutissiisartua, Jakob Strøm oqarpoq.

Angaju Ittuup Nuummut, Kapisilinnut Sisimiunullu pajuttuisaraluartup saffaliuutaa aamma ajoquteqarpoq, malittarisassallu naapertorlugit umiarsuit sarfaliuutaat pinngitsooratik ajoquteqartussaatitaanngillat. Taamaattumik umiarsuarmik ilaasartaammik allamik aqagumiit angallassisussamik attartornissaq pilersaarutigineqarpoq.

Sarfaliuut ataasinngorpamut aaqqinneqanngippat umiarsuamik allamik attartorneq ingerlaannassasoq, Royal Arcticip nunaqarfinnut kiffartuussivia nalunaarpoq.