Politiit ullormut nalunaarutaat: Angut utoqqasaaq biilinik napparussuarmut aporpoq
![](/sites/default/files/styles/image_934x467/public/2024-06/IMG_2339%5B1%5D.jpeg?itok=AXMiMMlf)
Angut 70-it missaannik ukiulik biilinik Nuummi napparussuit ilaannut sisamanngornermi unnukkut aportoq taannalu ajutoornermi kisimiittoq, Kalaallit Nunaanni politiit pisortaat Jaaku Andreasen oqarpoq.
Angut taanna ambulancenik aatippoq maannali qanoq innersoq oqaatigisinnaanngikkini, politiit pigaartuisa pisortaat tallimanngornermi ullaakkut ilisimatitsivoq.
Ajutoorneq unnukkut qulingiluanut qiteqqunnerata missaani pivoq, uuliakoortoqartorlu politiit qatserisartullu ajutoorfimmut ornigutilertoramik paasivaat.
- Ajutoorfiup eqqaani aqqqusineq uuliakoorfiusoq qatserisartunit salinneqarsinnaaqqullugu matuarput, Jaaku Andreassen oqarpoq.
Ajutoorneq pillugu itinerusumik oqaaseqarsinnaanani pisorlu taanna eqqaassanngikkaanni ulloq unnuarlu kingulleq ataatsimut isigalugu eqqissisimaffiusoq, taanna oqarpoq.