- Angut sassartinneqarnermini suleqatiginnikkusuppoq, eqqartuussiviullu tigummigallaasoqarnissaanik aalajangiinera akueralugu, politiit allapput.Assi: KNR

Angut Sisimiuni toqutsisimasutut pasineqartoq

Angut 30-t sinnerlugit ukiulik Sisimiuni tigummigallagassanngortinneqarpoq. Angut arnamik, 73-inik ukiulimmik angerlarsimaffiani ippassaq sisamanngornermi nassaarineqartumik toqutsisimasutut pasineqarpoq.

Sisimiuni Politiit arnaq inissiami ilisimanngitsoq pillugu sisamanngornermi nalunaarfigineqarput. Pineqartoq tassaavoq arnaq 73-inik ukiulik, taannalu toqusimasutut nalunarutigineqarpoq.

Suliamut atatillugu pinerluuteqarsimasorineqartoq politiinit maanna tigummigallarneqarluni pasineqarpoq.

Kalaallit Nunaanni Politiit tusagassiuutinut nalunaarummi allapput.

Angut pineqartoq 30-t sinnerlugit ukioqarpoq, taannalu eqqartuussivimmut ippassaq unnukkut sassartinneqarpoq. Politiillu angut ulluni 27-ni tigummigallarniarpaat.

- Angut sassartinneqarnermini suleqatiginnikkusuppoq, eqqartuussiviullu tigummigallaasoqarnissaanik aalajangiinera akueralugu, politiit allapput.

AAMMA ATUARUK Sisimiut: Arnaq toqungasoq inissiami nassaarineqartoq

- Piffissamit pinerluuteqarfiusimasorineqartumit akunnerit 24-t qaangiutinnginneranni suliamut atatillugu pinerluuteqarsorineqartumik pasisaqarlutalu tigummigallaalernerput ilorrisimaarutigaara

Politiit misissueqqissaartartuisa pisortaata tullersortaa, Bjørn Bjerregaard oqarpoq.

Sisimiuni Politiit Danmarkimit pinerluttulerinermut tunngasuni misissuisartut marluk toqusumillu misissuisartoq suliap ilungersunarnera pissutigalugu misissuiartorlutik tikissapput.

Taakku Sisimiunut tallimanngornermi marsip ulluisa tallimaanni tikinnissaat pilersaarutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat